30 July 2024: Mizoram Youth Commission (MYC) leh Lunglei District Cooperative Union Ltd (LDCU) buatsaihin vawiin khan Convention Centre Lungleiah Symposium on Building Cooperative As Viable Economics Enterprises hun hman a ni.
Symposium hi Pu K.Darlawma, President LDCU-in a kaihruaia, Dr.Vanlalmuana, HOD Commerce Department Gov’t J.B College chuan Key Note Address sawiin; mimal ni lo; a huho a sumdawnna hi nghet tak leh awmze nei zawka kan kalpui chuan ram hmasawnna nasa zawk a thlen thei a ni, a ti.
He huna khuallian Mizoram Youth Commission Chairman Pu Malsawmzuala Ralte chuan, Mizoramah thiamna nei kan tam tawh hle a, hnathawh tur erawh avang si a, chuvangin MYC pawhin India ram chhung leh ram pawnah Mizo thalaite thawh ve theih tur kawng a dap mek a ni a ti. MYC chairman chuan Japan nen Disaster Management lam leh Photography lama thawhho tuma ruahmanna kalpui mek anih thu sawiin, British Army-ah Mizo thalai mi 30 vel an awm mek thu leh tunah hian British Army-a tang duh Mizo thalai 100 chuangin dilna an thehlut tawh bawk a ti.
Hei bakah hian National Skill Developement Gurgoan dawr mek niin an ni kaltlang hian Mizo thalaite tan Japan-ah hna a thawh thei dawn tih Pu Malsawmzuala Ralte chuan a sawi bawk.
