Integrated AH & Vety Science zir tumte tan entrance exam buatsaih

01 July 2026: District AH & Vety Officer Office Conference Hall-ah vawiin khan Entrance Examination – “Elementary course in AH & Vety Science” – Integrated AH & Vety Science (IAH&VTI) Lungpuizawl Lunglei-a zir tur thlanna exam buatsaih a ni a, Dr Ngurzidingi Sailo, Joint Director, Southern Zone AH&Vety Department chu centre superintendent niin entrance exam hi a ho a ni.

Entrance exam centre hi Aizawl leh Lungleiah awmin, Lunglei exam centre-ah hian Siaha leh Lawngtlai district atangin mi 14-te’n entrance exam hi an hmachhawn a ni.

Elementary Course in AH&Vety Science, IAH&VTI Lungpuizawl a zir tur hian seat 24 a awm. Class XII pass chin tana zir theih a ni a, kum 2 chhung zir tur niin, an pass chhuah chuan AH& Vety Department hnuaiah Veterinary Field Assistant (VFA) hna an thawk thei dawn a ni.