Kawng khuar nasa siam hnatlang thawk leh

17 Sept 2026: Local Council Sethlun chuan Faina lama hmalakna kal chho zelah vawiin khan Local Council chhung NH302 kawng khuar nasa lirthei tana tlan hrehawm zualnate siam hnatlang an thawk. Hnatlang senso tur Local Council leh Pawl / Mimal hnen atangin Rs Nuai khat chuang an dawng a ni.

PWD Lunglei Road Sub-Division I-in Road roller an hman tir bakah NHIDCL lamin JCB an thawh a, vengchhung atangin JCB leh Tipper/Pickup thawhte awm bawk. Vawiin hnatlang a an thawh zawh hman loh hmabak zawng chu Local Council-in hma a la chhunzawm dawn niin an sawi.

Local Council Sethlun chuan hnatlanna tur atana sum thawhtute leh bungrua thawhte chungah lawmthu a sawi a, mi 118 vel an hnatlang.

Local Council, Sethlun hi Lunglei Municipal Council hnuaia awm an ni a, chhungkua 250 bawr vel niin, veng inlungrual tak an ni a, khawtlang tan a sum thawhkhawm a hmalakna hi an nei thin fo a ni.