Kohhran Upa Exam Result a chhuak

September 22, 2026 (Thawhlehni) chawhma Dar 10:00 khan Headquarters Office, BCM Hall, Serkawn-ah BCM Kohhran Upa Exam Result 2026 tih chhuah a ni a. Rev. T. Lalsangvunga, Director, Pastoral Ministry Department-in he hun hi kaihruaiin, report tlangpui a pe nghal. General Secretary Rev. Dr. H. Lalthlamuana’n Result a tlangzarh a, Pathian hnenah lawmthu sawiin hun tihtawp a ni.

Kumin-ah hian Pastor Bial 95-ah Bial 69 atangin Kohhran Upa Exam tur mi 175 an ni a. Damlohna avang leh harsatna dang avanga exam thei lo mi pakhat awmin, Pastor Bial 69 atangin mi 174-in exam hi a hmachhawn ta a ni.

Kohhran Upa Exam beitu mi 174 te passed vekin – ‘O’ Grade-ah 18 an pass a, ‘A’ grade-ah 79 passed-in, ‘B’ grade-ah mi 67 leh, ‘C’ grade hmu mi 10 an awm bawk. Heng Kohhran Upa Exam paltlangte hi ABC Inkhawmpui, November ni 22, 2026 -ah an awmna ABC ţheuhah nemngheh an ni ang.

Kohhran Upa Exam beitute hi Mipa 169 leh Hmeichhia 5, an vaiin mi 174 an ni.