01 March 2024: Mizoram Presbyterian thalai pawl, Kristian Thalai Pawl (KTP) Conference Vawi 60-na, Diamond Jubilee-ah palai mi 12,236 an riak lut tawh.
Ngopaa nghah khawmpui lian hi nizan atang khan hman tan niin, vawiin chawhma khan Rawngbâwlna Report Inkhawm hman niin he hunah hian Central KTP General Secretary report bakah Finance report leh Bial Report khaikhawmna report ngaihthlak a ni.
Central KTP General Secretary Upa Lalmuanpuia’n kum 2023-24 Kristian Thalai Pawl report a tarlan danin KTP member mi 1,71,404 an awm mek a, Mipa 104736 awmin hmeichhia 66,668 an awm a. Mizoram puma pastor bial 217 awmah KTP branch 904 a awm a ni.
Nikum April ni 1 atanga kumin February ni 20 chhunga sum dinhmun report-a tarlan danin Central KTP budget hi Rs nuai 84 leh sing 7 a ni a. Kum 2023-24 chhung hian Rs. Nuai 87 sing 4 sang 6 za 6 sawmli hmuh a ni a. Rs nuai 53 sing 8 sang 6 za sawmriat pahnih hman a ni. Vawiin chawhnu khan Jubilee Zaikhawmpui hman a ni a. Naktuk nilengin Ngopa Chhimveng Kohhran Biak Inah kum 2024-26 Central KTP hruaitu thlanna hun leh Rorel Inkhawm hun te hman a ni dawn a ni.
