21 March 2025: Vawiin khan Lunglei Municipal Council (LMC) Board of Councillors (BoC) chu an Chairman, Pu Lalzuithanga kaihhruaiin BoC Hall, Convention Centre, Lungleiah an thukhawm.
LMC BoC thukhawm chuan kum 2025-ah Krismas bazar siam ngei ni se tiin, ruahmanna siam turin ‘Task Force Committee on Krismas Bazar’ an din nghal a. Kum 2025 Krismas vuakvetah LMC huam chhung veng hrang hrang tan khawlai leh kawn chei inelna buatsaih relin, lawmmanah pakhatna Rs Nuai 3, pahnihna Rs Nuai 2, pathumna Rs Nuai 1 leh veng pathum tan consolation prize Rs 30,000/- theuh ruahman ni se, an ti bawk.
BoC thukhawm chuan mela, flying business, road show, exhibition, music festival leh a kaihhnawihte chu LMC Licensing Regulations, 2024 hnuaia rin luh belh a nih angin phalna pek leh khuahkhirh kawngah a tul anga hma lak zui ni se, an ti a. LMC Display of Advertisement & Hoardings Regulations, 2024 hnuaiah kum 2025-2026 atangin hoarding chu tender system-a kalpui an a ni.
LMC BoC thukhawm chuan LMC huam chhungah pawl leh mimal anga lei hnuaia tui verh chu khap tha tiin, sawrkar dan awm sa zul zuia hma lak zel dan tur zir chian a, en nawn leh ni se, an ti bawk.
LMC Board of Councillors thut khawmah hian Chairman bakah, Vice Chairman Pu K.Lalrinawma leh executive councillor-te leh elected councillor dangte telin, LMC Chief Executive Officer Pu Donny Lalruatsanga’n a telpui bawk a ni.
