16 Sept 2024: Lunglei Municipal Council (LMC)-in Local Council-te tan fai inelna “Cleanness Award 2024” a kalpui mekah hian LMC Area-a Local Council-te chuan Veng fai ber nih tumin a khat tawkin vantlang hnatlang an ko thin a, vawiin lam khan Sawrkar chawlh anih angin Local Council engemawzat chuan veng chhung thenfai hnatlang an thawk leh a ni.
Kan hriat theih chinah Salem L.C Chanmari L.C Electric Veng L.C Farm Veng L.C leh Venglai L.C te chuan khawtlang huap hnatlang an thawk. Heng hnatlang thawk vengah te hian chhungkaw tin atanga mipakhat tal hnatlang thawk turin Local Council hruaitute chuan an ngen a, veng thenkhatah chuan puitling mai bakah naupangte pawh hnatlangah hian an tel a ni.
Vawiina hnatlang thawk velo veng thenkhatte erawh chuan inrinni lam khan faina hnatlang hi an lo thawk tawh a, hetihlai hian vawiin lama hnatlang thawklo Local Council thenkhat chuan September thla chhung hun remchangah hnatlang an thawk dawn tih an sawi bawk.
