01 Oct 2024: Lunglei Municipal Council (LMC)-in Lungleia parking fee mumal zawka lak a kalpui mekah Local Council-te pawhin LMC duhdan angin an veng chhungah parking fee lak vawiin atangin an tan.
Lunglei khawpui chhung kawngpui dunga LMC-in Parking Area a siam baka Local Council huamchhunga vengchhung inkalpawhna hrang hrangah te lirthei dahna hmun bik siama parking fee la tura Local Council te nen thawhhona an siam angin, Local Council te chuan an veng chhunga inkalpawhna hrang hrang kawngpuiah te parking area leh no parking area te an siam a. Parking area-ah hian lirthei dahna neilo Local Council hnena in report-te’n motor an park thei anga thlakhatah Two wheeler tan Rs 500/- Three wheeler tan Rs 700/- LMV tan Rs 1000/- leh HMV tan Rs 3000/- chawi tir an ni dawn.
L.C hnena garage neilo tih in-report silo; parking area siama lirthei dah te leh no parking Area a lirthei dahte chu Local Council te chuan LMC thu angin Rs 2000/- thleng an chawi tir thei dawn a ni. Local Council te chuan an area a parking fee khawntu tur hi Tender chhuahin an thlang a, L.C-te’n parking fee thla tin an khawn atangin 40% an chang anga 60% chu LMC-ah an chhung lut dawn a ni.
