22 Nov 2024: Lunglei Bawrhsap thar Pi Navneet Mann, IAS chuan vawiin chawhma dar 10:30 khan Pu R.Lalṭhazuala, MCS hnen aṭanga mawhphurhna lain, Lunglei District Bawrhsap hna a zawm.
Bawrhsap pisaa Bawrhsap mawhphurhna inhlan chhawnna hunah hian Pi Navneet Mann pasal, Pu Shivam Siddharth, IPS (Siaha District SP tur) leh Lunglei DC office-a officer-te leh DIPRO te an tel a. Bawrhsap kal chhuak Pu R. Lalṭhazuala chuan Pi Navneet Mann kuta mawhphurhna a hlan rualin duhsakna hlanin, Lunglei chhuahsanin Aizawl a pan nghal a. Land Revenue & Settlement Department-ah Director-in a awm dawn a ni.
Lunglei District Bawrhsap thar chuan District mipuite chibai bukin, District hmasawn nan mipuite, tlawmngai pawl, kohhran, chanchinbu mite leh sawrkar department hrang hrangte thawhpuina leh finchhuahna a ngen a ni.
