04 Dec 2023: Vawiin khan Mizoram MLA inthlanpui 2023 a Lunglei District chhunga vote tla te boruak muanawm tak hnuaiah chhiar fel a ni.
Vote hi Saikuti hall Ground Floor-ah zing dar 8:00 atangin chhiar tan a ni a, round 5-ah Lunglei District chhunga bial paruk a vote tlate chhiar a ni a, chawhnu dar 1:00 khan chhiar fel a ni. Lunglei district chhunga MLA bial 6 awmah hian bial liah ZMP party-te an chak a, Lunglei North-ah Pu V.Malsawmtluanga, ZPM, Lunglei West-ah Pu T.Lalhlimpuia ZPM, Lunglei East-ah Pi Lalrinpuii ZPM, Lunglei South-ah Pu Lalramliana (Papuia) ZPM leh Thorang bialah Pu R.Rohmingliana MNF bakah West Tuipui bialah Pi Prova Chakma MNF-te thlan tlin an ni.
Heng thlan tlin awm ang angte hi Lunglei DEO leh Bawrhsap ni bawk Pi Ramdinliani chuan certificate a hlan nghal a ni.
