04 Oct 2024: Vawiin khan YMA Sub-Hqrs Lunglei-a Vigilance & Monitoring Committee te chuan Lunglei leh Tlabung inkar kawng NH-302 sial zau hna thawh mek a hmunah an enfiah.
YMA Sub-Hqrs Lunglei Vigilance & Monitoring Committee te hi kawng sial zau hna thawktu contractor BRN Infrastructure Pvt Ltd te’n lo dawngsawngin, kawng sial zau hna thawh mek hi a hmunah an enho a. Tun dinhmunah ruah a la sur fo avangin kawng hi tha taka siam theih ni lo mahse kawng chhe zual lai te chu lirthei eng chi pawh an tlan theih nana kawng clear tha turin YMA hruaitute hian contractor-te hi an hrilh a ni.
Hemi hnu hian Lungsen Chhimveng YMA Hall-ah BRN Infrastructure Pvt Ltd hnuaia Package 1 (Lunglei to Chhumkhum) leh Package 2 (Chhumkhum to Tlabung) hotute leh YMA Lungsen Group hruaitute nen inkawmhona an nei zui a. He hunah hian Pu ZD Rualchhawnzova, Chairman V&M -in a kaihruai a, Pu K Vanlalhruaia OB Incharge-in thusawiin, Pu H Lalhmingthanga Secretary V&M-in Report a pek bakah kawng siam vil zui dan tur hrang hrang te a sawi nghal bawk. YMA Lungsen Group hruaitute atangin kawng hi DC-in Order a chhuah hnuah pawh an clear that loh thu leh Maxi Cab te pawh an service theihloh thu ngaihthlak a ni a, NH 302 Lunglei leh Tlabung inkar Group leh Branch ten uluk takin an vil zui dawn a, Contractor BRN-te pawhin tha taka kawng clear-in an vil zui tur thu an sawi a ni.
