17 May 2027: MZP Hqrs Lunglei President Pu Johan Hmangaihzuala Ralte leh Secretary Pu K.Lalchhuanawma te chuan vawiin chawhma lam khan Minister Pi Lalrinpuii nen inkawmna hun an hmang a, Lunglei zirna in leh hmasawnna turte an sawiho.
MZP Hqrs Lunglei hruaitute hian Lunglei Government College-a dah tur smart board leh college bus chungchang te Minister hnenah hian an thlen a, smart board chu tun dinhmunah CSR hmanga chah mek anih thu leh a lo thlen thuai tur thu a lo hrilh a, LGC College bus tur chu Lunglei MLA te’n Education Fund hmanga hma an lakpui tur thu a lo hrilh bawk.
MZP Hqrs Lunglei hruaitute chuan Engineering College, Pukpui-a building awm tawh sa ‘run’ loh chungchanga hmalak pui tura an sawmnaah Minister Pi Lalrinpuii chuan, Cabinet-in Engineering College atan post 63 an ‘approved’ tawh thu leh 2026 session aṭanga ‘run’ tura ruahmanna siam anih tawh thu a lo sawi a ni.
Inkawmhonaah hian Lunglei District-in zirna lama hma a sawn theihna tura hmalak dan turte an sawi ho a ni.
