July 11, 2024 : Zo-Reunification Oraganisation (ZORO) Western Zone President Pu Lalnunfela Chawngthu chuan nimin khan February 2023 atanga Manipur Zofaten buaina an tawh chungchang United Nations Organisation (UNO)-ah a thlen.
UN Expert Mechanism on the Rights of Indigenous Peoples Session 17-na, July ni 8-12, 2024 chhunga Geneva, Switzerland-a neih mekah United Nations Permanent Forum for Indigenous Issues (UNFPII)-a member a nih angin ZORO aiawh hian ZORO Western Zone President Pu Lalnunfela Chawngthu, KH. Vanlalruati, Serchhip leh ZORO Consultant Switzerland Lalruatpuii Cira te an tel a ni.
Nimin khan thusawina hun pek anih angin Pu Lalnunfela Chawngthu chuan thu sawiin Mizoram chuan kan unau, mahni sahimna zawnga mangang taka vakvai mek sang tel teh meuh mai chu an lo dawngsawng mek a ni, a ti a, Bangladesh leh Myanmar lama Zofate harsatna an tawh chungchang pawh a sawilang bawk a ni. (DD)
