Nimin chawhmalam dar 11:00 khan MZP Headquarters : Lunglei buatsaihin Council Sitting (2022-2024 term) vawikhatna Cultural Heritage Centre Venglai Lunglei-ah neih a ni a, he hun hi Albert Lalnunpuia, Vice President MZP Headquarters : Lungleiin a kaihruai.
Lalpeksanga Chenkual President chuan Council sitting neih anih chhan leh thu rel turte sawifiahna a nei a. Benjamin Vanlalfela Adviser chuan, Students’ Union hruaitute leh MZP hruaitu tlang hrang hrang atanga kalkhawmte fuihna thu a sawi a. Hruaitu nih anga kaihhruaite-ah leh mahni thiltihna engkimah dikna leh rinawmna vawng him tlat turin a chah.
MZP-in Borapansuri-a Zofate Chawlhbuk alo sak tawh chu Ramri a Zohnahthlakte tan a tangkai hle tih tarlan a ni a. MZP Headquarters: Lunglei Council Sitting chuan Marpara Lunglei District-ah Zofate Chawlhbuk sak nise tiin, lungrual takin a pawm a ni.
