16 Feb 2024: Mizoram Baptist Kohhran Hmeichhe Pawl (MBKHP) Inkhawmpui 2024 chu LGSA Playground Lungsen-ah nizan khan \an a ni a, nizana thupui khuhhawnna inkhawmah MBKHP Fin-Secy Rbt Dr Zoramthangi’n kaihruaiin Rev ZD.Rodingliana’n MBKHP Inkhawmpui vawi 51-na hi a hawng a ni.

Kumin MBKHP Inkhawmpui-ah hian ‘Tho la, i Pathian ko rawh’ (Jona 1:6) tih chu thupuiah hman niin; Aizawl Central Bialtu Pastor Rev K.Lalnunsanga chu Speaker a ni.

MBKHP Inkhawmpui, Lungsen-a neih mekah hian Mizoram pawn atang leh India ram pawn USA atangin palai 1 leh Indian Baptist Woman Union atangin palai 3 bakah Mizoram chhung kohhran hrang hrang 5 atangin palai 2 \heuh te’n he inkhawmpui hi an hmanpui bawk.

Vawiin chawhma dar 10:00 khan pandal-ah Seminar neih niin; Upa Dr B.Laldinliana, Superintendent, Christian Hospital Lawngtlai chu Resource Person-ah hmangin;  ‘Hriselna – Taksa, Rilru, Thlarau’ tih thupui hmangin zirtirna a nei a ni.

Vawiin chawhma dar 9:30 atang khan BCM Lungsen Venglai Biakin-ah MBKHP Rorel neih a ni a; MBKHP President Pi PC.Lalvohbiki kaihhruai-ah hian rorel palai 627 te’n ro an rel a ni. MBKHP Rorel palaite hian BCM-in Old Age Home a din theih nan MBKHP-in hma lak nise an ti a, Aizawl Zemabawk Cancer Hospital-ah Poor Patient Fund pek nise an ti bawk.

Vawiin Rorel Inkhawm-ah kum 2024–2027 chhung atana MBKHP hruaitu thlanna BCM Gen-Secy Rev R.Lalbiakliana kaihhruaina hnuaiah neih nghal a ni.

President: Pi HK.Lallianzauvi (BCM Hqrs pek),

Vice-President: Upa B.Singpari,

Secretary: Pi Lalhmingmawii Chawngthu (BCM Hqrs pek),

Asst-Secretary: Pi F.Lalawmpuii,

Treasurer: Pi V.Zothanbuangi,

Fin-Secretary: Pi Zohmangaihi,

Senior Adviser : Upa K.Lalsangliana (BCM Hqrs pek) leh Upa B.Sangmawia.