12 Jan 2024: Mizoram Baptist Kohhran Hmeichhe Pawl (MBKHP) Inkhawmpui 2024, February 15 – 18 chhunga Lungsen-a neih tur atan inbuatsaihna chak taka kalpui mek zel a ni.
In 580 chuang awmna Lungsen khua hian MBKHP Inkhawmpui hi a vawi 3 nan an dawl leh dawn a, kohhran pawl bik sawi lovin he inkhawmpui tur atan hian khawtlang a inbuatsaih mek a ni. Inkhawmpuina tur Pandal sak hna hi Lungsen khaw chhunga veng pathum te’n a chhawkin an nei thin a, nimin khan Tlabung Pastor Bial atangin member 80 chuang hnatlangin an thawkchhuak bawk a, hna tam tak an thawkin, Inkhawmpui Organising Committee chuan lawmawm a tih thu kan palai an hrilh.
Pandal hi a dung feet 145 leh a vang feet 154 a lian a ni a, mi 5500 chuang leng thei tura ruahman a ni.
