20 June 2025: Nimin tlai dar 4:50 khan Pukpui daiah Excise & Narcotics Deptt, Lunglei leh 20 Assam Rifles ṭangkawpte’n an thudawn bawhzuia Dt 18.6.2025 aṭanga an lo chhui tawh, Methamphetamine mum 36,400 (3.477 kg) leh a neitu nia rinhlelh mi pahnih, Sapna Chakma (40) S/o Ashmi Kumar Chakma, Tiperaghat – II, Lunglei District leh Punyo Sur Chakma (29) S/o Mitro Lal Chakma, Kamalagar – II, Lawngtlai District te chu an man.
Ruihhlo an man hi an mahni sawi danin Assam lam aṭanga lakluh Lunglei-a pek tur niin an sawi a. Ruihhlo man te hi Rs54,60,000/- man hu vela ngaih a ni. Ruihhlo neitu nia inchhalte hi vawiin khan Court-ah hruai niin ND & PS Act hnuaiah thubuai siam sak an ni.
