03 June 2025: Tunhnai ruahsur nasa avanga Mizoram hmun hrang hranga chhiatna thleng avangin vawiin thlengin mi 5-in nunna an chan a, hmun 598-ah leimin leh leitawlh chhinchhiah a ni tawh bawk.
State Emergency Operation Centre chhinchhiah danin, May ni 24 atanga vawiin June ni 3 thleng hian Mizoram hmun hrang hrangah leiminna hmun 598 chhinchhiah a ni a, leimin vangin hmun 190 ah kawng a ping bawk a, lungrem chim hmun 119 ah awmin, thlanmual min 3 a awm bakah lei tlakhniamna hmun 7 leh electric ban tlu 9 a awm bawk a ni.
Leimin avangin chenna in 171 chu luahzui tlak lohin a chim chhia a, leimin vang bawkin in 244 chu luahzui ngam lohin rauhsan a ni bawk a, tuilian vangin in 119 chu rauhsan a ni a, heng chenna in chante hi vantlang hall-ah leh chhungte in hmun remchangah an awm mek a ni. (DD)
