Tennis-a mipa lama thuneitu sáng ATP (Association of Tennis Professionals) chuan ranking-a Top 250 chin te tana ‘minimum wage’ zat a tisáng.
Mipa tennis player te hamthat nan ATP chuan nakum 2024 season thar atanga hman tan turin ranking-a Top 100 chin te chu tournament an telna apiangah an match hmasa bera chaklo-a an tla nghal a nih pawhin a tlem berah US Dollar 3,00,000 [Pound 2,35,000] tal zel an hlawh thin tawhna turin ruahmanna a siamsak a. Ranking-a no.101 atanga no.175 te’n US Dollar 1,50,000 [Pound 1,17,000] tal zel leh no.176 atanga no.250 te’n US Dollar 75,000 [Pound 59,000] tal zel hlawh thin tawh turin ruahmanna a siamsak bawk a ni.
