30 Dec 2023: Kum hlui thlah tur leh kum thar lawm nana bazar ni hnuhnung ber vawiin khan Lungleiah pawh mipui mamawh hrang hrang lam an thahnem hle.
A bik takin sa leh chawhmeh lam bazar a teivak an tam hle a, hei bakah hian chhang dawr hrang hrang a lun hle bawk. Thawmhnaw lam pawh krismas bawr vel aia an tihtlawm tak avangin dawrtu leh leitu an tam hle a, lirthei vei vak leh ke a kal mipui an tam hle a ni.
Hetih lai hian kohhran hrang hrangte pawhin kum thar lawmna tur lam hawiin an inpuah chah nasa viau tawh a, venhimna hna thawktu Police te leh VDP bakah YMA te pawhin buaina chhuah thulhah a tul anga duty turin an inbuatsaih nasa hle bawk.
