04 Feb 2025: Chief Minister Pu Lalduhoma Mizoram leh Manipur inkal pawhna Tuivai lei dawh zawh ani chu lawmawm atih thu a sawi.
Chief Minister chuan Instagram account kaltlangin he thu hi a sawi a, sawrkarna an chan hnua Manipur lam unau harsatna tawk mek ten mamawh an thlen hmasak ber chu Tuivai lei dawh ani tih sawiin a hmunah a tlawh a ti a, feet 200 a thui Bailey Bridge dawh turin hma an la nghal tih a sawi.
Thudawn danin Tuivai lei hi Chief Minister Pu Lalduhoma’n February ni 17-a a hawn turin ruahman a ni a, Nikum March ni 13 atanga dawh tan Tuivai lei hi dawh zawh tawh niin enchhin tawh a ni a, Lei hi a rinawm tawk em tih enchhinna atan hian Truck lian (Hyva) hman niin, Lei hi Ton 20 ai a rit zawhpui loh tur a ni. PWD Department chuan hei hi zawm vek turin mipui an ngen a, ZPM Thalai chuan vawiin khan thuchhuah siamin Tuivai lei dawh zawh theih nana Sawrkar hmalaknaah an lawm thu an sawi bawk. (AIR)
