20 May 2024: Ruihhlo Do Core Committee hnuaia Working Committee on Ruihhlo Do chu vawiin tlailam dar 3:30 khan SAD Conference Hall, MINECO ah Social Welfare Minister Pi Lalrinpuii kaihhruaina hnuaiah neih a ni.
Working Committee thukhawmah hian District hrang hrang Deputy Commissioner leh aiawhte atanga hmalak tawh dan minute 5 theuh sawina hun pek an ni a. Police Department, Excise & Narcotics Department, Social Welfare & Tribal Affairs, Health Department (Drug Controller), Mizoram State AIDS Control Society (MSACS) leh Cental YMA te hnen atangin hma an lo lak tawh dan minute 5 theuh sawina hun pek an ni bawk.
Ruihhlo leh a kaihhnawih harsatna hian Mizoram a run nasat em avangin Ruihhlo dona atana committee ‘Core committee on Ruihhlo Do’ chu din alo ni tawh a. Working committee thukhawm hian ruihhlo dona kawngah State level, District level leh Village level thlenga nasa taka hmalak dan turte rel niin, ruahmanna an siam te chu Core Committee on Ruihhlo Do May ni 21, 2024 a Chief Minister Pu Lalduhoma hova an thutkhawm hunah thlen turin an rel a ni.
