18 June 2025: Lunglei Pukpuia Engineering College chu Mizoram Sawrkar tan ataka Class kalpui thuai tura hmalak loh theihloh a ni, Pu Vanlalhmuaka; Mizoram State BJP President chuan a ti.
Vawiin chawhnua Lunglei Dist BJP buatsaiha Professional Meet hmannaa thusawitu Mizoram State BJP President chuan, Pukpuia Engineering College chu NDA Sawrkarin RUSA sum hmangin a building sakna tur Mizoram sawrkarah pein Building sak zawh anih hnuah kum 2019 khan Prime Minister Modi-a chuan Video Conferencing hmangin a hawng tawh a. Hemi kum veka class kalpui tura tih anih laiin tun thleng pawha ataka class kalpui anih loh reng avangin Central Sawrkar chuan Mizoram Sawrkar chu Building sakna sum senso; Central Sawrkarah pe kir a, Building chu rochun turin na takin a nawr a. Mizoram Sawrkar tan Building sakna sum pek let tur an nei si lo va, class kalpui tura an theih ang anga hmalak loh theih a ni lo; Pu Vanlalhmuaka chuan a ti.
