14 June 2024: Vawiin chawhnu khan Home Minister Pu K.Sapdanga chuan Directorate of Forensic Science Laboratory (FSL), MINECO a tlawh.
FSL Conference Hall-ah FSL officer te nen an inkawm a, heath hian FSL Annual Report 2023-24 a tlang zarh a, FSL hnathawkte a fuih bawk. Programme hman zawhah Laboratory 8 leh a chhunga hnuchhuina khawl leh hmanraw pawimawh te a endik a ni.
Home Minister Pu K.Sapdanga chuan hmasawnnain a rawn ken tel tak avangin pawikhawihna avanga misual hnuchhuite a hautak sawt a. Science thiamna hmanga uluk taka chhui a ngaih tak zel avangin Forensic Laboratory pawimawhna hi a pun belh zel a. Thawktute tam lovin indaihlo hle mahse India ramah misual hnuchhui kawngah Mizoram Forensic Science Laboratory te an hming tha hle a, an chhuanawm takzet a ni, a ti.
NDPS Act of 1985 hnuaia Notification thar berin a phut angin FSL a sample thehluh hi ni 30 (Ni 15 qualitative leh ni 15 dang quantitative) chhungin endik a result siamchhuah hman tur a ni. FSL thawktute chuan case a tam avangin officer leh staff tlem tein rim takin an thawk a, indaihloh karah pawh state dangten kum 10 aia tam te case tam tak an dah tawl (pending) laiin Mizoramah chuan case pakhatmah pending a awm lo (Zero pendency) an ti. India ramah FSL Mizoram chiah hi zero case pendency la ti thei an nih thu an tarlang bawk.
