25 April 2024: Vawiin chawhma khan Senior Chief Medical Officer’s Office chamber Lungleiah khawtlang hruaitu/ kohhran hruaitute leh zirna in te nen World Malaria Day denchhenin advocacy meeting neih a ni. Kumin thupui chu “Accelerating the Fight Against Malaria for a more Equitable World” (Hriselna kawng a intluktlan nan, Malaria ti bo tur a chak zawk a hmalak) a ni.
He hun hi Dr.LC.Liana, Senior Chief Medical Office, Lunglei chuan kaihruaiin Dr.LC.Liana chuan India ramah Malaria hi a hluar hle a, mihring tam takin Malaria vangin nunna an chan tawh a ni. Mizoramah pawh Malaria hi a hluar hle a, Lunglei District hi Mizoramah Malaria vei tamnaah pahnihna anih thu a sawi a. Malaria hi Health Deparment chauhin a do thei lova, mipuite tel lo chuan kalpui a harsat thu a sawiin a huhova hmalakpuiah a sawm a ni.
Undivided Lunglei leh Hnahthial chhungah khua 193 awmin mihring 70825 an awm a, Malaria Technical Supervision Unit 5 Hnahthial, Buarpui, Lungsen, Tlabung leh Bunghmun te a awm. Kum 2023, January – December chhungin Malaria vangin Lunglei District-ah mitthi 3 an awm a. Kum 2024 chhunga hmalak tawhna leh hmalak turte chu IRS Deltamatherine hmangin khaw 187 tuam tum a ni, khaw 174-ah LLIN thosilen semchhuah bakah IRS khaw 6-ah thosilen chiah a ni ang. Self Help Group leh NGO-te nen tuichhe tlinna leh thosi pian theihna tihfai te, Dengue laka invenna lamah te hmalak a ni ang.
Lunglei District chhungah January – December 2023-ah Dengue sample 2188 test-ah 179 te chu confirm an ni.
