09 May 2024 : Vawiin khan MJA Lunglei District-te chuan Lunglei khawthlang lama Phairuangkai lei siamthat mek chu an President Pu Laltlanthanga hovin an tlawh.
MJA Lungleite hian he lei siam mektu BRN Infra Pvt. Ltd. thawktute chu lei siam kawnga an harsatna leh an thlen chin bakah lei a tlo lohna chhan te an zawtfiah a, Lei siam mek enkawltu leh thawktute chuan lei chhuat phah hmasak thir phekte chu a chhah tawk loh avanga lirthei lian a dawl zawh loh thu sawiin; tunah hian lei chhuat tur thir phek chhah zawk an chah mek thu leh tun thla chhunga phah hman an inbeisei thu an sawi.
Thawktute chuan lei helna kawng an siam chuan furpui a dawl zawh dawn loh avangin furpui hma ngeia lirthei chi hrang hrang zawh theih tura peih hman an tum thu an sawi a. MJA Lunglei-te chuan Lunglei khawthlang lam chak lakna kawng ber; thla ruk dawna zawh theih lohva awm chu pawi an tih thu sawiin, chak zawka hna thawk turin BRN Infre Pvt. Ltd.thawktute chu an ngen a ni.
