11 Feb 2025: MTKP President Upa R.Lalrochama hova vawiin-a Lunglei Press Club-a thuthar thehdarhtute an kawmnaah MTKP hruaitute chuan February ni 13 atanga ni 16, 2025 chhung hian Lunglawnah MTKP inkhawmpui vawi 48-na neih a ni dawn tih sawiin inbuatsaihna peih fel tawh a nih thu an sawi a. MTKP inkhawmpuiah hian thupui atan “Pathian Hnaih Rawh” tih hman niin mi hrang hrangin thuchah an insawi chhawk dawn bakah Pastor bial hrang hrang TKP zaipawl leh mimal zai te ngaihthlak thin a ni anga; skit entir a ni bawk ang.
Inkhawmpui dawltu Lunglawn Pastor bial chuan inkhawmpui dawl nan hian Budget Rs Nuai 70 dahin Rs Nuai 42 MTKP-in a tumpui bak zawng chu budget hi an tlin thei a, Pandal hmingah “Krista Pasalthate Run” vuah niin a chhungah mi Sang 9 vel leng tura ngaih anih thu an sawi.
Tun dinhmunah MTKP hi Pastor bial 92-ah Unit 447 awmin; member 50,364 an awm mek a ni.
