Myanmar Sipai tlanchhia Lawngtlai Dist-ah an lut

17 Jan 2024: Myanmar ramchhung, Lawngtlai District, Parva piahlam a Myanmar Sipai leh Mipui Sipaite inkahna vanga Myanmar Sipai tlanchhia 278 chuan nimin tlai dar 4:00 vel khan Lawngtlai District chhung, Bandukbanga an lut a, Assam Rifle-te’n an buaipui tih Lawngtlai a Akashvani Correspondent chuan a dawng.

Thu dawndanin Myanmar Sipai leh Mipui Sipaite hi Myanmar ramchhung Karma lui ah an inkap a, Myanmar Sipaite hi tlanchhiain, Lawngtlai District-ah an lut ta a ni.

Myanmar Sipaite hi rawn luhbelh tur an awm leh awmloh tun dinhmunah hriat maitheih a ni lova, luh belh erawh an awm a rinawm niin kan thudawnna pakhat chuan a sawi a, Myanmar Sipaite hi Sipai thuam famkim nen a tlanlut an ni. (AIR)