07 March 2025: Vawiin chawhnu dar 2:00 khan MZI Hqrs leh MDM Dist Hqrs Lunglei buatsaihin Zomuan Park ah Chapchar Kut lawmna hun hman a ni.
He hun hi MZI Hqrs Lunglei Asst.Secretary Pu K.Lalthangzela’n kaihruaiin Pu Lalrinmawia Pautu in hunserh a hmang.
He hunah hian Pu Joseph VL.Muanpuia MDM Lunglei President chuan Chapchar Kut Lungleia lawmna inbuatsaih dan kawngah Lunglei zaithiamte dahhniamna ang chi awm hi tha kan tihloh avangin Chapchar Kut lawmnaah pawh kan member zai tura ruatte chu zailo turin kan inngen hial a ni a ti. Hetihlaia MDM Lunglei Adviser thenkhat YMA Sub Hqrs hruaituten tukin zing maia an nihna atanga banna an thehlut chu vanduai thlak a tih thu a sawi bawk.
MZI Hqrs Lunglei President Pu P.Lalhmangaihzuala pawhin thu sawiin, Lungleia Chapchar Kut lawmnaah hian mimal ang leh MZI ang pawhin kan in tita ve hle tawh a Zaimi pawh ngah ve tawh avangin an zai vek seng lo zawk thin a ti. Hetiang a nih laia kumina Committee ah min han paih ta mai hi min ning ta viau nge Lunglei pawnlam zaithiam sum tam tak senga sawm chak tlat awm te hian min ngai theilo tihte pawh ngaihtuahna kan nei a ni, a ti.
He hunah hian MJA Dist Hqrs Lunglei Vice President pawhin thusawi bawkin, zaithiamte chu mihring nunah hmun pawimawh tak luahtu an ni a, MJA tan phei chuan an hlu lehzual a ni a ti.
