Lunglei; 27 October, 2023: Vawiin Mizo Zirlai Pawl (MZP) din champha kum 88-na pualin MZP Headquarters Lunglei chu an luangchhuak a; Bethel Centre, Chhumliamkawn-ah thilpek an hlan.
MZP hi kum 1935, October ni 27 khan din a ni a, he ni hi kum 2006 atang khan “Zirlaite Ni” atan Mizoram Sawrkarin a puang a. MZP lo dinchhuahna ni leh bul tanna ni anih avangin MZP tan ni pawimawh tak a ni.
He Ni hi Ram leh Hnam tana inhlantharna ni atan te, midangte tana inpekna ni atan te leh Zirlaite tana hlawk leh tangkai thei ang bera hman thin a ni. Bethel Centre-ah hian naupang 72 an awm mek a ni.
