29 Aug 2024: Vawiin khan MZP Hqrs Lunglei chuan Education Minister Dr. Vanlalthlana chu a office-ah Lunglei District huam chhunga zirna in hrang hranga zirtirtu indaihlohna chungchangah an hmu. MZP Hqrs Lunglei aiawhin President Johan Hmangaihzuala Ralte leh Secretary K. Lalchhuanawma te an kal a ni.
Education Minister chuan MZP Hqrs Lungleiin zirtirtu indaihlohna chungchang an thlente chu theih tawpa hma a lo lak pui tur thu a sawi a. Lunglei District hmun thenkhata zirtirtu indaihlohna nasa zualte chu a rang lama dah an nih tur thu leh hmun dangte pawh an zirchian a, a tul anga hma an lak tur thu a lo hrilh bawk a ni.
MZP Hqrs Lunglei chuan an harsatna thlente lo ngai pawimawha hma a laknaah Education Minister hnenah lawmthu an sawi a ni.
