FCRA pual Tawngtai neih rawt

24 July 2026: Baptist Church of Mizoram (BCM) chuan Thuchhuah siamin, Administrative Committee, July 23, 2026-a Emergency Online Meeting chuan July 26, 2026 (Pathianni tuk – inkhawm hun remchangah) “FCRA Pual, BCM Pum Huap Tawngtai’ neih a rawt tih a tarlang.

BCM thuchhuah chuan, India ramah hian Kohhran pawl tam tak; Zirna (Institution), Hospital, Hnuchham enkawina, mihring nun chhawmdawlna leh chawikanna, etc hmun tam takte hian, ram pawn atangin tanpuina sum tam tak (Foreign Contribution/Foreign Fund) an dawng thin a. Pawl thenkhat, ram
pawn tanpuinaa innghat, tanpuina an dawn loh avanga kal hleithei lote pawh an awma hriat a ni, a ti a.

Hetiang tanpuina ram pawn lam atanga lo kal thin thunun tur hian India sawrkar chuan Foreign Contribution Regulation Act (FCRA) an tih chu a siam a. Tun hnaiah hian India sawrkar chuan he dan hi tih danglam leh tumin Parliament Monsoon Session-ah put luh a tum
a. Tih danglam a tum dan chuan Kristian-te rawngbawlna nasa taka a nghawng theih dawn avangin, India rama kohhran hrang hrang leh, Kristian pawl tam takte chuan dodalna an kalpui mek a ni, a ti.

Hetianga India rama kan Kristian-pui sang tam takten harsatna nasa tak an tawh theih avang hian; Administrative Committee, July 23, 2026-a Emergency Online Meeting chuan “FCRA Pual, BCM Pum Huap Tawngtai’ neih a rawt tih BCM thuchhuah chuan sawiin, inkaihhruaina leh tawngtai thupui tarlan anga, tawngtaina buatsaih turin kohhran tinte chu a ngen a ni.

Tawngtai thupui:-
Foreign Contribution Regulation Act (FCRA,) India sawrkarin tih danglam a tum hi a kaltlangpui loh nan.

He dan avanga harsatna lo tawk thin zawng zawngten harsatna an tawh
chhunzawm loh nan.

India rama kan Kristian pui tihduhdahna leh nekchepna tawk thinte tan.

India ramah sakhaw zalenna a awm a, mipuite kan inpum khat theih nan.

India ramah Pathian Ram a lo zau deuh deuh theih nan.