Inter Branch YMA Basketball Tournament tan

03 Aug 2026: Vawiin chawhma dar 11:00 khan Inter Branch YMA Basketball Tournament chu YMA Chanmari Hall, Lungleiah ṭan a ni. He Basketball Tournament hi YMA Sub Hqrs, Lunglei, Lunglei District Basketball Association leh District Legal Services Authority te ṭangkawpin an buatsaih a ni a, YMA Branch 9 aṭangin Team 11 an tel.

Tournament hawnna inkhawm hi Pu Moses Lalrinchhana Chinzah, President LDBBA-in kaihruaiin, Pu Lalrindika Ralte, Secy Sports Committee SYMA-in Oath taking a nei a, Pu Zothanzuala Hnamte, Vice President Sub Hqtrs YMA chuan Tournament a Tip Off a ni.

Pu Zothanzuala Hnamte chuan, LDBBA leh DLSA-te nen thawhhona an lo neih tawh ṭhin thu sawiin, Ruihhlo laka kan ṭhalaite an him theih nana an hmalakna leh ṭhahnem ngaihna chu lawmawm a tih thu a sawi a. Ruihhlo zuarte chu mi thisena eizawng an ni tih inhriaa, YMA hmalakna dodal lo tur leh an thiltihte sim turin an ngen tih a sawi bawk.