SIR 2026 kalpui mek Hearing-ah YMA hruaitute tel turin ngen

21 July 2026: Election Commission of India in Special Intensive Revision of Electoral Roll, 2026 kalpui mekah, SIR Enumeration Form theh luh laia No Mapping (2005 ERoll-a mahni awm lo leh chhungte chhuizawn tur awm lo) leh Discrepancy in Mapping (2005 ERoll nen en mila hming dik lo, chhungte hming dik lo leh rinhlelh awmte) tan hearing a buatsaih mek ah YMA Sub-Hqrs Lunglei chuan India khua leh tui dik tak vote nei thei ngei te SIR ah hian an awm theihna tura a tul anga Hearing neihna hmun ah te YMA hruaitute tel turin an hnuaia Branch te an ngen.

Pu C.Lalrindika, Secretary, YMA Sub-Hqrs Lunglei chuan nimin khan an hnuai a Group leh Branch te ngenna leh hriattirna siamin – District Election Officer, Lunglei District-in a ngen angin, Electoral Roll a lo felfai zawk nan Hearing hunah hian, hearing nei tura lo kal Electoral Registration Officer/Asst. Election Registration Officer te, YMA Branch ten theih ang tawka lo pui tur leh hearing-naa telpui turin an inngen a. Electoral Roll fel fai kan neih theihna tura tihlawhtling ngei tura in ngenin, Electoral Roll-a chuang tur hian khua leh tui nihna fiahna tur nei ngeite chauh pawm tur an nih thu Branch leh Group tin te an hriattir bawk.