06 Nov 2023: Naktuka MLA inthlanpui lo awm tur atan inbuatsaihna peihfel niin Polling Party duty turte pawhin an duty-na tur hmun an pan mek.
Lunglei District chhung hmun hrang hranga duty tur Polling Party 16-ten nimin Pathianni zing khan an duty-na hmun tur an pan hnuah Polling Party 160-te chuan tukin zing dar 6:00 atang khan an duty-na hmun theuh tur Saikuti Hall atangin a intahtawlhin an pan mek zel a, vawiin tlai dar 5:00 hi chuan Polling Party tinte hian an duty-na hmun thleng hman vek tura ngaih an ni.
