Power khaihlak zing chungchang sawipui

02 July 2026: Vawiin chhun dar 12:00 khan Lunglei District Consumer Association (LDCA) hruaitute leh MJA Lunglei hruaitute chuan Power & Electricity Department, S.E leh a thawhpuite kawmin, tunhnaia Lunglei lam Power khaihlak zing lutuk chungchang leh Department hmalakna dinhmunte an sawi pui.

P&E, S.E Er Lalnunsanga chuan Melriat lam Power line chu Upgradation kalpuia hnathawh mek anih avangin Power off zeuh zeuh a ngaih thin thu leh Bukpui lam atanga lakluh chuan Power mamawh ang tawk a pek hneh tawk loh avanga Shut Down lak zeuh zeuh angaih thu a sawi a.

Ruahtui tlak laite anih chhoh tawh avangin Melriat line lama hnathawh pawh chawlh rih anih dawn avangin Power pawh mumal zawka hmuh theih leh thuai a beisei awm a ti.

Lunglei lamin Power tha zawk a hmuh theihna turin Kawmzawla P&E Sub Station chu upgrade a tul thu leh LDCA leh MJA-te nen hmalakho theih ni se a duh thu S.E chuan a sawi.