07 Aug 2024: Bangladesh Sawrkar, Military thuhnuaia a luh thut chungchangah Lunglei District thuneitute chuan boruak awmdan thlithlai turin Tlabung SDO leh Lungsen BDO te chu beng leh mit chhi-a boruak thlithlai reng turin an hrilh.
Vawiin khan Mizoram Police leh BSF te pawh ramri-ah Joint Patrolling neiin an kal kual a; he thu buatsaih lai thleng hian dàn lova ramri kan (infiltration) an la awm lo. Hemi chungchangah hian hranpaa duty tura thupek chhuah erawh a la awm lova, dàn an neihsa pangngai ang maia duty kalpui an ni tiin kan thudawnna chuan a sawi.
