October, 2024 thla atangin AMC pawn lamah Ration Card ennawn hna kalpui a ni dawn a, hemi chungchang hi dt.30.09.2024 khan Director, Food, Civil Supplies & Consumer Affairs chuan thuchhuah a siam tawh a, Ration Card ennawn kalpui mêkah mipuite thawhpuina an ngen nawn bawk a ni.
Aizawl khawpui chhunga Ration card ennawn report thehluh hun Department lamin an siam chu 27th September, 2024 kha a ni a, 30th September, 2024 thleng khan veng 34 in submit tawhin,veng 49 laiin NFSA report hi Sawrkarah an la thehlût lo a ni.
Tun thlenga DCSO Aizawl East leh Aizawl West in an tarlan danin mitthi tawh Ration Card atanga paih tur hi AMC area ah mi 1139 hmuhchhuah tawh niin endik chhoh mêk zel a la a ni. Thlaruk chhunga ration khul ngai lo chhungkaw 6500 vel hmuhchhuah tawh an ni a, heng ho hian ration lak an mamawh lo ni a ngaih an ni. Heng zinga NFSA quota la te aiah hian NFSA mamawhtute dah an ni ang.
Lunglei Municipal Council veng 24 atangin mithi tawh mi 1177 te hmuhchhuah tawh an ni bawk a, endik chhoh mêk zel a ni.
Ration Card ennawn hi dik taka kalpui a nih zel theih nan sawi tur leh complain duh neite chuan NFSA chairman, an bialtu DCSO ah te thlen thin turin an chah bawk a ni.
