01 Feb 2024: NSUI (Mz) President RB Lalmalsawma chuan vawiin khan Aizawl Congress Bhavan NSUI Office-ah thu sawiin, India ram zirna tha zingah pawh langpha Mizoram University(MZU) leh thawktu Zirlaite hi National Students’ Union of India Mizoram State chuan a chhuang em em thin a, amaherawhchu, tun hnaiah Vice Chancellor leh thawktu pawimawhte RSS chhulchhuak rawn thawk an tam tual tual a, State dang atang pawhin zirlai rawn pantu an thahnem sawt ta viau a ni, a ti.
NSUI (Mz) President chuan, tunhnai deuh atang khan MZU-ah hian BJP Zirlai pawl, Akhil Bhartya Vidyarthi Sangh (ABVP) chuan Branch rawn din tumin hma an rawn a. Amaherawhchu, MZU-a thawkte leh MZUSU-te leh MSU-te’n a tul anga hma la vata huaisen taka dodal anih avangin BJP Zirlai pawl kha din a ni ta lo a. Nimahsela hnamdang zirlaite hian zirlai hruaitu nihna hi MZU-ah hian an rawn chuh ngam ta hialin, tling pawh an awm nia hriat a ni a, hnamdang chuh ve te tlin theihna atan hian State danga mihausa leh Minister lawk tak tak an inrawlha sawi a awm bawk a ni, a ti.
Hengte avang hi a ni thei mai ang em, MZU-a thiamna rawn zawnga zir mek chuan a ram leilungfa te zahlo leh thinlung tina-a hma a lak tak hial mai le, a ti.
NSUI (Mz) President chuan, kan rama mipawimawh hi RSS pachal an la rawn ni dawn chauh a, chuvangin kan rama Zirlai pawl MZP leh MSU-te leh Tlawmngai pawl hrang hrang he hnam hmangaihtute hi an lo kal na ve a, an che na ve ta anih pawhin dem mai lovin i support tlat ang u, a ti.
