“Ruihhlo tello nun duhawm zawk” tih thupui hmangin Drug Awareness Campaign neih a ni
NSS Unit, Lunglei Gov’t College leh Foundation For Drug Free Mizoram buatsaihin vawiin (Sept ni 1, 2023) chawhnu khan Lunglei Gov’t College Auditorium-ah “Ruihhlo tello nun duhawm zawk” tih thupui hmangin damdawi ruihtheih laka fihlim tura fimkhur dan tur kawng hrang hrang inzirtirna neih a ni.
He huna khuallian Pu Dony Lalruatsanga, Addl. D.C Lunglei chuan, ruihhlo avanga kan ram chhe mek karah Mizoram hian siamṭhat hna thawk turin ṭhalai ruihhlo laka fihlim a mamawh em em a, mamawhna chhangtu ni turin kan zirlaite inbuatsaih ang u, a ti.
He huna khualzahawm Pu Laltlanthanga President MJA Lunglei Dist pawhin, kan ram min run mektu ruihhlo laka fihlim tura rilru siam tlat turin zirlai kalkhawmte chu a chah a ni.
Dr. Lalremruati Zote, Associate Professor, Gov’t Aizawl West College chuan College Zirlaite hnenah damdawi ruihtheih laka fihlim tura fimkhur dan tur kawng hrang hrang zirtirna a pe a ni.
