20 March 2025: Treasury Bazar Association chuan Aizawl Municipal Council leh sawrkar thurawn angin Tuikual South a Multipurpose Complex-ah insawn an tum tih an sawi.
Vawiin a Aizawl Press Club a thuthar thehdarhtute an kawmnaah Treasury Bazar Association hruaitute chuan thuawih taka kal an tum rualin sawrkar lakah phut let an nei an ti a, sorkar chu a intiam ang ngeia Multipurpose Complex leh a chhehvel a sawrkar phalna nei lova inzuarte leh traffic tibuai theia inzuarte chungchang a chinfel an beisei thu an sawi a, hetihlai hian kangmei chhuak avanga an thil zawrh chân ta te tanpui tumna sawrkar atanga a awm lo chu an rilru a nat thu an sawi tel bawk.
Treasury Bazar hi thawhtanni zing khan a kan hnu ah, AMC chuan kal theih loha hungin inzawrh phal a ni tawh lo a, Treasury Bazar a thute chu AMC Multipurpose Complex-ah insawn tura tih an ni. (DD)
