29 Aug 2025: Vawiin chhun khan Pu JH.Lalbiakliana Chief Executive Officer Mizoram KVI Board leh MJA Lunglei member-te chuan Lunglei Press Club-ah inkawmhona hun an hmang.
Inkawmhona hun Pu H.Lalthansanga kaihhruaiah hian Pu JH.Lalbiakliana CEO, Mizoram KVI Board chuan Scheme thar ‘SAMARTH Scheme’ chu September thla atangin District hrang hrangah kalpui tum anih thu a sawi. Hemi hnuaiah hian Puanthui leh Puantah zirna hawn tum niin training tur awm dan azirin trade dang pawh kalpui tum a ni a ti a, he Scheme hnuaia training-te chuan darkar 360 tal an training angai dawn a ni, a ti.
MJA-te nen an inkawmhonaah hian KVI kaltlanga eizawnna kawng hrang hrang bul tan theih dan te, scheme hrang hrang hmanga loan lak dan te sawiho a ni. Puan thui chungchangah Mizo mipate’n hmeichhiate tih tur ringawta kan dah chu pawi a tih thu leh hmeichhia te aia chak zawk thui tam thei zawk mipa te hian puan thuia eizawnna kawngah tan lak tul a thu Pu Biakte hian a sawi a ni.
