03 April 2024: Mizo Hmeichhe Insuihkhawm Pawl MHIP General Headquarters hruaitute leh SP Cyber crime hotuten social media hman khawloh chungchang an sawiho.
Vawina inkawmhonaah hian social media tangkai zawng ni lo, a thalo lama nun kaihruai thei video tuihnai lo tak tak tarlan ni thin an ngaimawh thu te leh, heng chungchanga hmalak dan turte sawi ho a ni. MHIP hruaitute chuan an ngaihmawh hrang hrang SP Cyber crime hotute hnenah hian thlenin, social media-a Zu in lai, zial zu lai, nungchang mawi lo tak kumtling lo leh mipui nawlpui hmuh a tarlan chu dan bawhchhiatna anih thu an sawi a, MHIP member-te leh hruaitute mahni Branch theuh ah, nunkawng rapbelh te chhan-chhuah hnathawh kawngah tanlak thar leh a pawimawh thu te sawiin, khua leh tui tha ni turin dan zawm a pawimawh thu te an sawi a ni.
