03 Sept 2025: Lawngtlai DC thar Pu Donny Lalruatsanga chuan vawiin khan Lawngtlai District MJAte Thingpui inpuiin, inhmelhriatna hun a hmanpui.
Pu Donny Lalruatsanga chuan Lawngtlai District mipuite chibai bukin, Chanchinbumite chu an tel lovin Sorkar kutke a kim theilo a ti a, District hmasawnna atan theihtawp chhuahpuiah sawmin, finchhuah a ngaihnaah inthlahrunglo turin Lawngtlai District MJA te a ngen a, thuthar thehdarh kawngah thulaila, dik leh rintlak thehdarh kawngah tan la sauh sauh turin a fuih bawk.
Lawngtlai District MJA te hi an President Pu Elvis Lalthangzuala’n hovin, Lawngtlai khawpui chu ramdangmi nen inchiahpiah nasa a nihna chuan thil duhawmlo zawk a hrinchhuah an hlauhthawn thu leh Sorkarin khauh zawkin ramdangmi khuahkhirh se an duh thu an sawi a, Lawngtlai khawpuiah zan lamah Myanmar a lut tur bungrua Motor a hlangkai leh hlangthla te vangin kawngpui a chepin, harsatna a thlengfo thin chu awmze nei zawka ruahmanna siam tha an tih thu an thlen bawk.
Pu Donny Lalruatsanga chuan MJA Lawngtlai District ten an ngaihpaiwmawh an thlente chu a theih ang anga lo bawhzui a tum thu a sawi.
