17 Nov 2023: Tunkar thawhlehni atanga tan State Handloom Expo 2023 Lungleia-a neih chu vawiin khan a tawp ta.
Lungleia Mizo thuam, tualchhung kutchhuak pho chhuahnaah hian Mizoram hmun hrang hranga puantahtute leh kut themthiamte thil siam chhuah dawr 34-ah zawrh chhuah a ni.
Expo tantirh atanga vawiin thleng khan Rs nuai 40 chuang man hralh chhuah a nih thu a huaihawttu ZOHANCO hruaitute chuan an sawi a, tun sawrkar kum kal mekah Mizorama district hrang hrangah Expo an nei chhuak tawh tih sawiin, Lunglei phei chu a vawi hnihna a nih tawh thu an sawi.
Handloom Expo tlawhtute chuan an tangkaipui thu leh hmun hla zawka puan leh thawmhnawte pan ngai lova Lunglei hmunah ngei man tlawm zawka an lei thei chu Expo tangkaina a nih thu kan palai hrilhin, thawmhnaw zuartute pawhin inhralh runpui an nei thei chu lawmawm an tih thu an sawi bawk a ni.
