09 Nov 2023: Excise & Narcotics Department (END) Lunglei chuan thla liamta October chhung khan thubuai 31 ziaklutin; thubuai kaihhnawihah mi 30 an man.
END Lunglei-a thawktute chuan October 2023 chhung khan NDPS Act 1985 hnuaiah thubuai 12 leh MLP Act 2019 hnuaiah thubuai 19, a vaiin thubuai 31 an ziaklut a; NDPS Act 1985 thubuai an ziahluh kaihhnawihah hian mi 14 leh MLP Act 2019 thubuai an ziahluh kaihhnawihah mi 16, a vaiin mi 30 an man bawk a ni.
Heng thubuai an ziahluh kaihnawihah hian ruihtheihthil chi hrang hrang hetiang hian an man bawk: Heroin- gram 80·9, Rakzu- litre 313·52, Sapzu ûm puitling- 2 leh ûm chanve- 1, Beer- can 138, Ganja- gram 190·395, Yeast- gram 616, Cough Syrup- phial 112, Alprozolum- tablet 327, Zu bilh lai- \in 63 leh bêl 6 an man bawk a ni.
Inthlanpui puan a nih a\anga Inthlan kaihnawih bika an hmalakna kal mekah END Lunglei-a thawktute hian Lunglei khawpui chhung leh a chhehvel mai bakah Assembly bial 6-a khaw hrang hrangte tlawhkualin ngawrh takin an duty \hin tih an Asst. Commissioner Pu B.Ngurchhuana a chuan a sawi a. Inthlanpui avanga an hmalakna kal mekah hian ruihtheihthil chi hrang hrang leh mihring engmawzat an man tawh tih sawiin, chak zawka hma an lak theihna tur hian District Election Officer leh Lunglei D.C ni bawkin lirthei pahnih leh oil a ngaihtuah sak avangin an lawm hle tih a sawi a ni.
Inthlanpui kaihhnawih bika hmalakna hi inthlan result puanfel thlenga kalpui an tum thu a sawi bawk.
