02 May 2025: Excise & Narcotics Department Lunglei chuan April thla chhung khan thubuai 50 ziak lutin hemi kaihnawihah mi 51 man an ni.
Excise & Narcotics Department Lunglei ten thubuai an ziahluh hi NDPS Act ’85 hnuaiah 9 niin, MLP Act ’19 hnuaiah thubuai 41 an ziak lut a ni. Thubuai an ziahluh kaihhnawih a ruihtheih thil chi hrang hrang an man te chu, Heroin – gram 91.02, Rakzu – litre 452.65, Zu bilh lai – Tin 500, Sap Zu – 280ml, Yeast – Kg 2.5, Alprozolam tablet 705 leh Codeine Phial 26 te a ni.
