30 Sept 2024: Tun hnaia khawsik leh khuh vanga damlo tamna, Tlungvel khua chu hridarhna hmunah puan a ni a, vawiin khan mi 40 te Swine flu an vei leh veiloh enin, swab sample laksak an ni.
Chief Medical Officer, Aizawl East in hridarhna hmuna a puan, Tlungvela Health & wellness centre-ah September ni 17 leh ni 28 inkar khan mi 203 khawsik leh khuh vanga damlo an inentir a, hetiang taka khawsik leh khuh an tam avang hian Aizawl East CMO chuan H1N1 test a kalpui a, Thingsulthliah PHC atangin Lab technician kalin anni hian mi 40 te swab sample an la a, heng sample te hi ZMC-ah endik a ni ang.
Aizawl East CMO huam chhungah hian ni September ni 25 khan Chhuanthar Tlangnuam ah H1N1 test neih a lo ni tawh bawk a ni. (DDK)
