06 June 2024: Tun hnaia ruahsur avanga tui lianin Tlawng luia PHE tui pump na a chim avang leh bungrua a len bo hlut zawng chu Rs vbch 13 hu vel nia hriat a ni.
Central YMA hnuaia Health & Sanitation Sub-Committee te chuan nimin khan Reiek kai, Tlawng luia PHE Tui Pump-na hmun, tunhnaia ruah sur nasa in a tihchhiatna hmunte an tlawh a. Tui lianin a chim vanga bungrua a tih chhiat leh bungrua a len bo te chu Rs vbch 13 vel hu ni a hriat a ni tih PHE hotuten an lo hrilh a ni.
PHE thawktute sawi danin tun tum tui lian hi kum 2017 a tuilianin a chim chin aiin feet 5 chuang a sang a chim a ngaih a ni a, Tui hi an pump-na hmunah hian chirhdum a tam em avangin vawiin thleng hian pump karlakah dum thenfai hna thawh tel zel a ngai tih an sawi bawk.
Phase- I ah hian Store Room pahnih hi tui lian hian a ti chhe hneh hle a,spare part hlu tak tak engngemaw zah a len bo bakah Store Room bula an khawl lian dah te pawh tuiin a chim vek avangin tun maiah chuan a chhiat that hre turin tih nun ngam a la ni lo a, Phase -I a tui pump khawl electric hmang pahnih te hi tuiin a chim ve bawk avangin Technician-te’n a chhiat dan an chhui mek a, khawl hi eng chen nge hman theihloha a awm tur hi ala hriatloh.
Backup pump pahnih an neihah pakhat chhia awmin karkhat chhungin 85% siam that niin Phase -2 pump thawk theia siam hman a ni a, Tui nut dan a zira danglam thei niin, tui a nuin Phase -2 a Pump pakhat leh Phase 1 a diesel pump khawl hmangin tui an pump thin a, phase 2 pump pahnih 85% a an pump-in nikhat ah maktaduaih 18 vel an pump thei ni a hriat a ni. (AIR)
