20 Feb 2024: Nimin chawhnu dar 1:00 vela Bairabi North huam chhung Tlawng lui-a Li cheng kai a tla mipa kum 18 mi pahnihte ruang chu an tlakna bulah hmuh ve ve an ni tawh.
H.Vanlalchhanchhuaha leh VL Chhanchhuaha te ruang hi vawiin chawhma lam khan an tlakna atanga hla lo teah hnuh an ni.
Tlawng lui a chesualte hi Tv Vanlalchhanchhuaha (18) s/o K.Lianmawia, Chhingchhip Mualpui leh Tv H.Vanlalchhanchhuaha (18) s/o Lalhruaizela, Champhai Vengsang te an ni.
Vanduaina tawkte hi an pa te Truck driver ve ve niin, Bairabi Rel station-a FCI kudam atanga buhfai phurh tum a load chang mek zuitute an ni a, Tlawng luiah hian inbual tura kalin vanduaithlak takin an chesual ta a ni.
Tuitla zawn hna hi Bairabi khawtlangin an thawk a, Sairang atang pawhin tui thiamte tui luhna hmanraw famkim nen an kal a ni.
